Hasi dantzatzen proiektua Eusko Jaurlaritzako Hezkuntza Sailaren Eima 2.0 laguntzen barruan kokatzen da. Euskal dantza tradizionalak modu didaktikoan erakutsi nahi ditu, eta interesa duen edonorentzat lizentzia irekian (CC BY-SA 4.0) eskaini.
Euskal Herri osoko bederatzi dantza jasotzen ditu, guztiak bere deskribapen-fitxa, bideo-tutorial eta audioekin. Aurreskuaren kasuan, dantza berezia izaki, bost zati edo piezatan banatuta dator: erreberentzia edo agurra, alpargata edo esku hartzekoa, desafioa, saltokako zortzikoa eta San Joan zortzikoa.
Proiektuan aurkezten diren bederatzi piezak erakustearren, hainbat dantza-taldek eta dantzarik propio egin dute dantza proiektu honetarako. Pieza bakoitzerako, eskarmentua duten tokian-tokiko dantzariak eta taldeak hautatu dira. Aurkezten diren jantziak ere tradizionalki dantza bakoitzari lotutakoak dira.
Jakin-mina baduzu, musikaren eta dantzen grabazioaren making-off-ak ere ikus ditzakezu:
- Eskertza berezia Alaitz Bergaretxe eta Aritz Salamanca dantzariei, proiektuak oreka izan dezan emandako laguntzagatik.
LAGUNTZA
Atal honetan aurkituko dituzu webgune honen inguruko zehaztasunak, menuaren azalpena, edukiaren zein jardueren antolaketa eta bestelako baliabideak, dudarik gabe zure ikasteko eta trebatzeko prozesuan lagungarri egingo zaizkizunak.
Ikusten duzunez, guneak hainbat atal ditu. Hona hemen bakoitzaren azalpen txikia, bertan errazago nabigatzeko eta mugitzeko:
Goiburuko menua
Ataria. webguneko edukiak eta jarduerak aurkituko dituzu hemen.
Gida didaktikoa. webgunearen azalpen orokorra.
Baliabideak. gaiaren inguruko liburuak edota Interneteko helbide interesgarriak.
Webgunearen mapa.
Ebaluazioa. edukietan eta ikasgaiarekin loturiko gaitasunetan trebatzeko aukera emango dizuten ariketen bilduma.
Autoebaluazioa. Hamar galderaz osatutako bi test: lehenak ondareari buruzko galderak ditu; bigarrena, dantza ezberdinen edukien inguruko testa da.
Talde-dinamikak. Taldean lantzeko hiru ariketa praktiko dira. Helburua dute taldean lan egiten eta adostasunera iristen ikastea, eta ikasitakoa praktikan jartzea.
Proiektua: webgunea ulertzeko eta bertan nabigatzeko azalpen guztiak.
Menu hau une oro egongo da erabiltzailearen eskura.
Erdialdeko zona
Gunearen erdialdea edukien zona da. Bi atal ditu:
Ondarearen atala. Herri baten ondarea zer den eta zein tipologiatan banatzen den azaltzen du. Dantza tradizionalak ere arlo honetan sartzen direla ohartuko da ikaslea. Tipologia bakoitza ondare mota horren Euskal Herriko adibide batekin dator, adibideak baitira edukiak irudikatzeko modu eraginkorrena.
Dantzak. Gune honetan Euskal Herriko dantza-ondarean esanguratsu diren zenbait dantza-pieza aurkituko ditugu.
KREDITUAK
Proiektuaren egileen eta parte-hartzaileen zerrenda:
Ideia eta koordinazioa: Leire Mitxelena Erice, Andrés Espinoza eta Pilar Pérez Píriz
Jatorrizko gidoia: Leire Mitxelena Erice eta Pilar Pérez Píriz
Hizkuntza-aholkularitza: Juan Mari Zurutuza Zapirain
Webgunea eta diseinu grafikoa: Juan Mari Zurutuza Zapirain