Hasi dantzatzen!

Aurreskua

Tipologia

Dantza formalak eta itxiak.

Ezaugarriak

Aurreskua dotoreziaz jantzitako dantza bat da. Omendu nahi den pertsonari begirunea adierazteko dantzatzen da. Euskal kultura tradizionalaren adierazpiderik ezagunenetako bat bihurtu da gure herrialdean zein kanpoan.

Gaur egun dantzatzen den ohorezko aurreskuaren jatorria antzinako soka-dantzan aurkitzen dugu. Dantza horretan garrantzi berezia zuten aurresku (aurreko esku) izeneko dantzariek. Urteen poderioz, bakarlariak (aurreskuak) dantzatutako soka dantzaren zatiak banandu eta bizitza propioa hartu zuten.

Deskribapena

Aurreskua, gaur egun ezagutzen dugun bezala, dantzari edo aurreskulari batek dantzatzen du. Era tradizionalean dantzatuta, bost piezaz osatuta dago: Erreberentzia edo Agurra, Esku hartzekoa (alpargata), Aurrez-aurrea (desafioa), San Joan zortzikoa eta Saltokako zortzikoa.

Webgune honetan banan-banan ikusiko ditugu lehenengo bost zatiak; izan ere, izaera propioa dute.

Hemen aurkezten dena Gipuzkoan dantzatzen den bertsioa da.

Egun txapelketetan aurreskua dantzatzeko, dantzari espezializatua izan behar da, sasoi onekoa eta entsegu-ordu asko egindakoa. Baina orokorrean helburua aurreskua ikasi eta beldurrik gabe dantzatzea da.

Non/Noiz

Ohorezko dantza izanik, gaur egun dantza zeremonial ohikoa da era guztietako ospakizunetan: ezkontzak, inaugurazioak, kongresuak, ekitaldi politikoakā€¦